Халĕ шкулта ăшă

Проблемăна татса пама вырăнти пуçарусене пулăшмалли программа май панă. Вăл пулăшнипе Бреж­нев саманинче лартнă çуртра пăрăхсене тата батарей­сене пурне те улăштарнă. Çакăнсăр пуçне, пуçламăш классен кабинечĕсенчи тата ача садĕнчи урайне пĕтĕмпе çĕнетнĕ.

Шкул вĕренекенĕсем тата коллективĕ юсава хывнă хушма укçа-тенкĕшĕн „Салават” ХФХ ООО директорне Василий Федорова, çаплах пулăшнăшăн тата ăнланушăн районти вĕрентÿ пайĕн начальникне Рустам Гилязетди­нова тав тăваççĕ.

Халĕ шкулта ăшă. Вĕренÿ процесĕ йĕркене кĕнĕ.