Пуçламăш классем çĕнĕ çурта куçнă

Çурта шал енчен пĕтĕмпех юсанă. Классене кирлĕ пек йĕркеленекен, япаласем хумалли вырăнлă партăсемпе, компьютерсемпе, интерактивлă доскасемпе оборудованиленĕ. Кашни кабинетрах тенĕ пек раковина пур. Шкула çăмăллăн кĕрсе кайма çук: алăк патне турникет майлаштарса лартнă тата хурал посчĕ пур.

Унччен шкулăн пуçламăш класĕсем тăватă кабинетра вĕреннĕ. Икĕ сменăпа вĕренме тÿр килнĕ. Халĕ кашни класăн хăйĕн уйрăм кабинечĕ кăна мар, ИЗО-студи, спортзал, библиотека тата гримернăйпа актовăй зал та пур. Часах ачасен çемçе сĕтел-пуканпа тата теттесемпе канмалли зона та пулĕ.

- Юсава эпир 10 млн тенкĕ ытла укçа хыврăмăр. Ашшĕ- амăшĕсем ыйтнипе хĕллеччен 1,5 млн тенке яхăн парковка йĕркелеме планлатпăр. Çак корпуса уçни пĕтĕм районшăн хаваслă событи. Эпир çак шкултан пирĕн енĕн тивĕçлĕ представителĕсем вĕренсе тухассине шанса тăратпăр! – терĕ район администрацийĕн пуçлăхĕ Зуфар Идрисов хăйĕн сăмахĕнче.

Д. АНДРЕЕВ.

Сăнÿкерчĕксемпе кунта паллашма пулать:

https://aur-vesti-ch.rbsmi.ru/gallery/otkrytie-korpusa-nachalnykh-klassov-mbou-sosh-2-s-tolbazy/

Видеоролик: https://www.youtube.com/watch?time_continue=9&v=pZVvq1pTUbk