Аургазă хыпарçи
+25 °С
Пӗлӗтлӗ
Пур хыпар та
Пĕлтерĕшлĕ
16 Апрелӗн 2020, 17:00

Мăнкун килте уявлăпăр

Апрелĕн 19-мĕшĕнче право­слави христианĕсем Мăнкун паллă тăвĕç. Яланхи пек, тĕне ĕненекенсем çак кун чиркĕве кайнă, пĕр-пĕрне саламласа тата хăналанса тăванĕсем тата тусĕсем патĕнче пулса курнă. Анчах кăçал пачах урăхла пулĕ.

Пушкăртстан Пуçлăхĕ Радий Хабиров правительство канашлăвĕнче корона­вирус пандемийĕ вăхăтĕнче чиркÿсенче пуçтарăнмасса чĕнсе каланă. Çавăн пир­ки Уфа епархийĕн управляющийĕ Никон митрополит распоряжени кăларнă, унпа килĕшÿллĕн, апрелĕн 11-мĕшĕнчен пуçласа республикăри прихутсенче тата мăнастирсенче пурин­че те кĕлтунă чухне алăксем хупă пулĕç. Пушкăртстан митрополийĕн пуçлăхĕ чиркĕве çÿрекенсене хăйсен килĕсенче, ниçта та каймасăр кĕлтума сĕннĕ.
Христос чĕрĕлсе тăнă куна тĕне ĕненекенсем кил­те, çемьепе паллă тăвĕç. Апла пулин те, уяв кĕллисене хутшăнмалли май пулĕ. „Союз” тата „Спас” чиркÿ каналĕсенче, çаплах Уфа епархийĕн официаллă сайтĕнче (eparhia-ufa.ru) Мăнкуна халалланă кĕлĕсене пурне те трансляцилĕç.
Ятарлă указпа килĕшÿллĕн, кулич­сене тата Мăнкун апатне чиркÿ умĕнче урамра кĕлтуса тасатĕç. Халăх ан пуçтарăнтăр тесе, çак процесс татти-сыпписĕр пулĕ. Дежурнăй священник кĕлĕ пĕр хут çеç ирттерĕ.
- Республикăри священниксене тата православи тĕнне тытакансене пурне те лăпкă пулма, çак тĕрĕслеве Турă ирĕкĕ пек йышăнма, кĕлĕсене кемĕтмессе тата Çÿлти Турă Амăшне хута кĕме ыйт­ма, çаплах пирĕн республикăн пĕтĕм кĕтесĕнчи святойсенчен (эпир тата Турă пĕлекеннисенчен) пулăшу ыйтма сĕнетĕп, - тенĕ Никон митрополит тĕне ĕненекенсене.
Читайте нас: