Пур хыпар та
Медицина
21 Июнӗн 2020, 13:35

Районти сывлăх сыхлавĕн хисеплĕ медицина ĕçченĕсем, ветеранĕсем!

Толбазăри больницăн главнăй врачĕ В. ТАРАСОВ саламлать.

Професси уявĕ ячĕпе – Медицина ĕçченĕн кунĕ ячĕпе чунтан саламланисе­не йышăнсамăр!
Медицина ĕçченĕ – професси çеç мар, вăл кулленхи паттăрлăх тата геройлăх. Ют çын пурнăçне çăлса хăварни тата пĕр вăхăтрах çынна ырату кÿни, çынсене си­плени тата хăвăн йышăнăву тĕрĕс пул­ни пирки иккĕленни вăй-хал тĕлĕшпе те, психологи тĕлĕшпе те çав тери йывăр. Çавна шăпах пирĕн ĕçтешсене ансат мар условисенче, хăшпĕр чух­не хăйсен вăйне, вăхăтне тата лару-тăрăва шута илмесĕр, çĕнĕ коронави­рус инфекцийĕпе чирлĕ пациентсене госпитальсенче, провизор уйрăмĕсенче медицина пулăшăвĕ пама тивни паян­хи кунра мĕн пурри çирĕплетсе парать. Профессионализмшăн, сыхласа хăварнă сывлăхшăн, ырă кăмăллă пулнăшăн тата ырăлăхшăн пациентсем чунтан тав туни пĕтĕм тапхăрти медицина ĕçченĕсемшĕн те чи лайăх награда пул­са тăрать. Çыннăн пурнăçпа сывлăхсăр пуçне хаклăраххи нимĕн те çук, вĕсем, пулăшассине ĕненсе, шăпах ăна пире шанса параççĕ.
Уяв кунĕнче ĕçре пулакансене – стационарсенче, „васкавлă пулăшу” бригадисенче тата ытти медици­на учрежденийĕсенче дежурствăра тăракансене - уйрăм тав сăмахĕсем калас килет. Ырă аллăрсемшĕн тата чĕрĕрсемшĕн тавтапуç сире. Çак тĕнчере вăрахрах пурăнăр, çынсене пурнăç, сывалас шанăç, сывалнин савăнăçне парнелĕр, çак тĕнчене ырăлăх тата юра­ту кÿрĕр. Сирĕн хăвăрăн сывлăхăр çирĕп пултăр.
Читайте нас в