Почта уйрăмĕсенче скидка ыйтăр!

Россия Почти çĕнĕ çул умĕнхи уявсем умĕн район халăхне яланхи пек мар парне парать. Юратнă хаçата эсир вунă кун тăршшĕне, декабрĕн 3-13-мĕшĕсенче, вунă процентлă скидкăпа çырăнма пултаратăр. Район хаçатне çур çула çырăнасси 890,10 тенкĕ вырăнне пурĕ 801,06 тенке кайса ÿкĕ.

Подписчиксем пурте призсен вылявĕнче ăнăçу тĕрĕслесе пăхма пултараççĕ. Хăвăрт çÿрекен велосипед, мультиварка, термопот тата кухня комбайнĕ хăйсен хуçисене кĕтеççĕ. Унта хутшăнас тесен декабрĕн 20-мĕшĕччен 2019 çула е пĕрремĕш çурçуллăхне çырăнтару квитанцийĕн копине редакцине илсе килмелле.