Роботизациленĕ ферма

Пĕтĕм Российăри инвестакатуй йĕркипе ПР Правительствин вице-премьерĕн тивĕçĕсене пурнăçлаканĕ - ял хуçалăх министрĕ Ильшат Фазрахманов тата „Красная Башкирия” СПК председателĕ Раиль Фахрисламов Абзелил районĕнче 800 пуç выльăх шăнăçакан роботизациленĕ ĕне ферми тăвасси çинчен инвестици килĕшĕвне алă пуснă.

Маларах проекта „Инвестсехетсенчен” пĕринче пăхса тухнă. Ăна реализацилени кашни çул евростандарт требованийĕсене тивĕçтерекен пысăк пахалăхлă 9 пин тонна сĕт туса илме май парĕ. Инвестици калăпăшĕ 400 млн тенкĕ ытла пулĕ.

Енчен те пуçару проекчĕ ăнăçлă пулсан, пĕтĕм республикипе роботизациленĕ фермăсем тума пуçлĕç. Витесене ĕне сăвакан роботсемпе, сĕт сивĕтекен оборудованипе, вентиляци тата хупса усрамалли оборудованипе, выльăх апачĕсене куçаракан, тислĕк тасатакан роботсемпе тивĕçтерĕç. Халĕ роботсене кÿрсе килнĕ, йĕркелесе лартас ĕçсем пыраççĕ.