Часах инаугураци иртĕ

Пушкăртстан Республикин çĕнĕ Пуçлăхĕн инаугурацийĕ 2019 çулхи сентябрĕн 19-мĕшĕнче иртĕ. Çавăн çинчен регион правительствинче иртнĕ канашлура пĕлтернĕ. Çавăн хыççăн министрсен кабинетĕнче республикăн 2024 çулчченхи аталанăвĕ çинчен документпа паллаштарĕç.

„Эпир республикăн 2024 çулчченхи аталану стратегине палăртакан документ хатĕрлетпĕр. Ку пысăк пĕлтерĕшлĕ документ. Ăна правительство аппарачĕ хатĕрлет. Сентябрĕн 19-мĕшĕнче эпир республика Пуçлăхĕ должноçе йышăннипе çыхăннă мероприятисем ирттерĕпĕр. Çавăн чухне эпĕ унпа паллаштарăп. Унта правительствăна тата муниципалитетсен пуçлăхĕсене хушусем пулĕç. Эпир çак документа пăхăнса малалла аталанăпăр,” – тенĕ Радий Хабиров.