Кайӑксене пулӑшаҫҫӗ

Шланлӑ ялӗнчи шкулта вӗренекенсем ҫулсерен хӗл каҫакан кайӑксене пулӑшаҫҫӗ - вӗсем валли сад пахчинче тата шкул картишӗнче чӑн-чӑн столовӑй йӗркелеҫҫӗ.

Кӑҫал вӗренекенсем шкул территорийӗнче 30 сырӑш ҫакнӑ. Пуҫламӑш класра вӗренекенсем ыттисенчен активлӑрах пулнӑ. Ашшӗ-амӑшӗсемпе пӗрле килӗсенче вӗсем тӗрлӗрен сырӑш ӑсталанӑ.

Хӗллехи сивӗсем халӗ кунти кайӑксемшӗн хӑрушӑ мар.