Кавăн - усăллă пахчаçимĕç

Ученăйсен сăмахĕ тăрăх, кавăн пĕтĕм организма çамрăклатма тата шăкпа арлăх системине сыватма пулăшакан витаминсем пысăк шутпа тытса тăрать.

Çак пахчаçимĕç составне В ушкăнри витаминсем кĕреççĕ, вĕсем нерв системин ĕçне лайăх витĕм кÿреççĕ, çаплах вĕчĕрхеннине тата ывăннине пĕтереççĕ, ыйха лайăхлатаççĕ, тимлĕрех пулма пулăшаççĕ, астăмăва çирĕплетеççĕ.

А тата Е витаминсем пит-куç çинчи пĕркеленчĕксене якатаççĕ, çÿçĕ, чĕрнене çирĕплетеççĕ, шатрашкасенчен хăтăлма пулăшаççĕ.

Кавăн составне кĕрекен никотин кислоти чĕре ĕçĕ пăсăлассине сирсе ярать, каротин вара – шыçă чирĕсем аталанассине.

Пÿрери, пĕверти чулран аптăрас мар, çаплах чĕре чирĕсенчен хăтăлас тесен, ученăйсем кавăна хăвăрăн рациона кĕртме сĕнеççĕ.