Аургазă хыпарçи
+18 °С
Пӗлӗтлӗ
Пур хыпар та
Сывлăх
6 Сентябрӗн 2019, 18:51

Онкочирсене малтанхи тапхăрта тупса палăртнăшăн преми

Пушкăртстанра çулталăк пуçламăшĕнчен онкочирсене малтанхи тапхăрта тупса палăртнин 1650 тĕслĕхĕ пулнă.

Пушкăртстан республикин Пуçлăхĕн тивĕçĕсене вăхăтлăха пурнăçлаканĕ Радий Хабиров тухса çÿресе черетлĕ „Сывлăх сехечĕ” ирттернĕ чухне Уфари 13 №лĕ клиника больницинче пулнă, вăл унта онкологи чирĕсене малтанхи тапхăрта тупса палăртнăшăн врачсене тÿлев илмелли сертификатсем панă.
Республика пуçлăхĕн сăмахĕпе, онкологи чирне малтанхи тапхăрта тупса палăртнă тĕслĕхре врачсем тата фельдшерсем профессионализмшăн 5 пин тенкĕ преми илĕç.
ПР Сывлăх министерствин руководителĕ Максим Забелин ăнлантарса панă тăрăх, республика бюджетĕнче çак тĕллевсем валли 30 млн тенкĕ шута илнĕ. Вĕсенчен 12 млн тенкине 2019 çулхи çичĕ уйăхра онкочир тупса палăртнă специалистсене тÿленĕ, урăхла каласан ку 1650 ытла тĕслĕх пулать.
Читайте нас: