Массаж – тÿлевсĕр

- Ангелина Евгеньевна, енчен те тишкерÿшĕн тÿлеме ыйтсан, мĕн тумалла?

- Медицина кăтартăвĕсем пур пулсан, ОМС полисĕ пур кашни гражданин 2019 çула тата 2020-2021 çулсен планланă тапхăрне Пушкăртстан Республикинче граждансене тÿлевсĕр медицина пулăшăвĕ памалли государ-ство гарантийĕсен программи (малалла ОМС Программи) йĕркипе кирлĕ тишкерÿсене пурне те тÿлевсĕр иртесси¬не шанса тăма пултарать. (Медпулăшу кĕтмелли чи пысăк сроксем çинчен – „Аургазă хыпарçи” хаçатăн 2019 çулхи мартăн 15-мĕшĕнчи 22-мĕш номерĕнче).

- Енчен те гормонсене врач палăртнă тăрăх – тĕслĕхрен, эндокрин системин чирĕсем пулсан, ача пăрахсан, çие юлмасан тата ытти - тĕпчеççĕ пулсан, эсир тÿлеме тивĕçлĕ мар. ОМС Программи çаплах тĕпчев кĕтмелли чи пысăк срока та палăртнă – 14 календарлă кунран ытла мар. Профилактика тĕллевĕпе гормонсен шайне тĕпченĕшĕн вара тÿлеме тивет.

- ОМС Программинче паллă вырăнти анестези, эпидуральнăй анестези çеç мар, наркоз та шута илнĕ, çавăнпа стационарта ыратни¬не пĕтерессипе сире тÿлевсĕр тивĕçтерме тивĕçлĕ.

- Шăлсене пломба лартнă чухне, ОМС Программи йĕркипе, химилле тата çутăпа хытса ларакан пломба лар-тма хамăр çĕршывра çеç туса кăларнă цемент тата композит материалсемпе усă курассине шута илнĕ.

- Катаракта – анлă сарăлнă офтальмологи чирĕсенчен пĕри, ăна васкавлă хирурги операцийĕ тумалла. Çакăн пек лару-тăрура пациента инноваци оптикин имплантатне – интраокулярнăй линза – лартма сĕнеççĕ.

Сиплекен врач кăтартăвĕсем тата направлени, çаплах вăйра тăракан ОМС полисĕ пулсан, пациент пысăк пахалăхлă куç шăрçине имплантаци туса, ÿсĕмне пăхмасăр, хаклă сиплев иртме пултарать.

- Тăватă çул таран ÿсĕмри ачапа унăн законлă представителĕ стационар условийĕсемпе медицина учрежденийĕнче пĕрле пулнă чухне çывăрмалли вырăнпа тата апатланупа тивĕçтернĕшĕн тÿлеттермеççĕ.

- Больницăра выртакан пациентăн тăванĕсене эмелсем тата тăкакламалли мате¬риалсем, тĕслĕхрен, шприцсем çук тесе час-часах пĕлтереççĕ. ОМС Программипе килĕшÿллĕн, стационарсене сиплев апачĕ, юн компоненчĕсем, эмелсем тата медицина тĕллевлĕ изделисем Питĕ кирлĕ тата пысăк пĕлтерĕшлĕ эмелсен списокĕ тăрăх тÿлевсĕр параççĕ.

Енчен те стационарта сипленнĕ вăхăтра çак списо¬ка кĕмен эмелсем кирлĕ пулса тухсан, медицина кăтартăвĕсем тăрăх, тĕслĕхрен, çын çав эмеле тÿсме пултараймасан, врачсен комиссийĕ эмеле улăштарасси çинчен йышăну тума пултарать. Çитменнине, обязательнăй медицина страхлавĕ шучĕпе, урăхла ка¬ласан, пациентшăн тÿлевсĕр, палăртаççĕ.

- Медицина кăтартăвĕсем пур пулсан, массаж, сиплев физкультури тата ытти реабилитаци мероприятийĕсене тÿлевсĕр пама тивĕçлĕ. Анчах черете кĕтмелли журнал тăрăх палăртаççĕ, вăл мĕнле-тĕр вăхăт йышăнма пултарать.

- Паллах. Çаплах хушса калатăп: мĕнле тĕпчев иртмеллине пациент хăй тĕллĕн палăртма пултараймасть – çавна врач палăртать. Енчен те медицина организацийĕн мĕнле-тĕр тĕпчев ирттерме май пулмасан, тунă договорпа килĕшÿллĕн, пациента çав май пур урăх сиплев учрежденине яраççĕ. Çакă пациентшăн пĕтĕмпе тÿлевсĕр. Енчен те врач пулăшушăн тÿлеме сĕнсен, вăл пациента законодательствăпа çирĕплетнĕ срокра ОМС Программи тăрăх тÿлевсĕр илмелли май çинчен пĕлтерме тивĕçлĕ.

Медицина пулăшăвĕ ыйтса килнĕ чухне гражданин, васкавлă медицина пулăшăвĕ панă тĕслĕхсемсĕр пуçне, ОМС полисĕ кăтартма тивĕçлĕ. ОМС полисĕ пулман тĕслĕхре ăна „Спасение-БМСК” Пушкăрт филиалĕн агентствин офисĕнче çак адреспа илме пулать: Толбазă ялĕ, М. Гафури урамĕ, 1 (больницăн административлă корпусĕ), т. 2-27-79.