-13 °С
Пӗлӗтлӗ
Пур хыпар та
Спорт
15 Нарӑсӑн 2019, 16:38
Çĕнĕ юр çийĕн
Спорта хутшăнакан çынсем Семен ялĕнче иртнĕ Пĕтĕм Российăри йĕлтĕр эстафетине тухрĕç
„Россия йĕлтĕр йĕрĕ” ăмăртăва хутшăнма 200 ытла çын - шкул ачисем, шкулсен, ДРСУ, райпо, районти тĕп больницăн ĕç коллективĕсем, культработниксем, администраци сотрудникĕсем тата спортпа сывă пурнăç йĕрки çине сÿрĕк мар пăхакан ял çыннисем - пухăнчĕ.
Кăçал аургазăсем çумне Уфари педуниверситетăн студенчĕсем хушăнчĕç. Волонтерсен „Снежный десант” юхăмĕн участникĕсем ăмăртăва уçнин церемонине илем кÿчĕç. Йăлтăркка костюмсем тăхăннă студентсем кăмăла çĕклекен ташăсем ташларĕç, зарядка ирттерчĕç тата юрăсем юрларĕç. „Десантниксем”, ялсенчи шкулсенче пулса курса, районта пĕр эрне хăналанчĕç. Волонтерсем, творчествăлла номерсем кăтартнисĕр пуçне, Бишкаин, Ишлĕ, Куезбаш, Чăваш Хурамал ялĕсенче тата район центрĕнче çулсене юртан тасатма пулăшрĕç.
Çемье эстафети ăмăрту çĕнĕлĕхĕ пулса тăчĕ. Ашшĕ-амăшĕсемпе ачисем старта пĕрремĕшсем пулса тухрĕç. Пĕр çаврăм иртнĕ ачасем эстафетăна амăшĕсене пачĕç, амăшĕсем – ашшĕсене.
- Кашни çул йĕлтĕр ăмăртăвне хутшăнатăп, пĕрне те сиктермен, - каласа парать ăмăртăва сăнаса тăнă Толбазă çынни Раиля Биктагирова. – Шел, çемье эстафети çинчен кая юлса пĕлтĕм. Пĕтĕм çемьепе хутшăнма хавасчĕ. Манпа пĕрле ывăлпа тăванăн ачи те килчĕç. Унччен хам парнеллĕ вырăнсем йышăнаттăм. Халĕ, енчен те пулас ăмăртусенче çавăн пек формат сыхланса юлсан, тăвансемпе пĕрле çĕнтерÿшĕн кĕрешме пултарăп.
Çемьесем хыççăн йĕлтĕр йĕрĕ çине аслă классенче вĕренекенсем, унтан çитĕннисем тухрĕç. Ÿсĕм диапазонĕ анлă пулчĕ. София Ишбулдина чи çамрăк участник пулчĕ, вăл 6 çул çеç тултарнă. Толбазăри 66 çулти Рим Аманов - чи асли. Хатĕрленÿ шайĕ те тĕрлĕрен. Опытлă спортсменсем тивĕçлĕ экипировкăпа ыттисенчен уйрăлса тăчĕç. Йĕлтĕрçĕсен костюмĕсем тата хÿтĕлекен куçлăхĕсем профессионалсене палăртрĕç. Анчах та йĕлтĕр спортне юратакан ахаль çынсем вĕсемпе ăмăртма вăтанмарĕç. Йĕлтĕр йĕрĕ çинче „чи кирли çĕнтерÿ мар, хутшăнни” спорт принципĕ хуçаланчĕ.
Призерсемпе çĕнтерÿçĕсем, хастар кăмăл-туйăмсăр пуçне, хаклă парнесем те илчĕç. Йĕркелÿçĕсем чунтан тăрăшнă. Парнесем хушшинче аталантаракан вăйăсем, çемье сăнÿкерчĕкĕсем валли винтаж рамкăсем, наушниксем, спорт браслечĕсем, пледсем тата стена сехечĕсем пулчĕç.
Пĕтĕм Российăри «Россия йĕлтĕр йĕрĕ-2019» йĕлтĕр ăмăртăвĕн результачĕсем
Шкул ачисем, 8-9 классем, яшсем: 1 вырăн – Ильсур Галимов (Семен ялĕ), 2 – Ильнар Усманов (Семен ялĕ), 3 – Никита Сидоров (Таштамак ялĕ); хĕрсем: 1 – Альфина Большакова (Мурадăм ялĕ), 2 – Александра Николаева (Семен ялĕ), 3 - Ксения Кузнецова (Бишкаин ялĕ).
Шкул ачисем, 10-11 классем, яшсем: 1 – Дмитрий Терентьев (Шланлă ялĕ), 2 – Александр Михайлов (Чăваш Хурамал ялĕ), 3 – Данир Ибрагимов (Семен ялĕ); хĕрсем: Кристина Ефимова (Семен ялĕ), 2 – Анна Иванова (Семен ялĕ), 3 – Татьяна Павлова (Бишкаин ялĕ).
30 çул таран, арçынсем: 1 – Леонид Кириллов (Асавпуç ялĕ), 2 – Андрей Андреев (Семен ялĕ), 3 – Денис Петров (Стерлитамак хули); хĕрарăмсем: 1 - Илюса Хуснутдинова (Толбазă ялĕ), 2 – Наталья Федорова (Шланлă ялĕ), 3 – Регина Кириллова (Толбазă ялĕ).
40 çул таран, арçынсем: 1 – Айдар Ишбулдин (Семен ялĕ), 2 – Юрий Семенов (Толбазă ялĕ), 3 – Динар Биктагиров (Стерлитамак хули); хĕрарăмсем: 1 – Ляйсан Мурадымова (Толбазă ялĕ), 2 – Венера Ишбулдина (Семен ялĕ), 3 – Гульшат Хабибуллина (Толбазă ялĕ).
50 çул таран, арçынсем: 1 – Борис Андреев (Шланлă ялĕ), 2 – Ильшат Габбасов (Семен ялĕ), 3 – Владислав Иванов (Толбазă ялĕ); хĕрарăмсем: 1 – Людмила Андреева (Семен ялĕ), 2 – Галина Алексеева (Шланлă ялĕ), 3 – Галина Иванова (Толбазă ялĕ).
60 çул таран, арçынсем: 1 – Зульфат Рамазанов (Мурадăм ялĕ), 2 – Мидхат Зайнуллин (Семен ялĕ), 3 – Вильнур Зиганшин (районти тĕп больница); хĕрарăмсем: 1 – Раиля Биктагирова (Толбазă ялĕ), 2 – Роза Христофорова (Меселпуç ялĕ), 3 – Галина Атмасова (Степановка ялĕ).
60 çултан аслăрах, арçынсем: 1 – Владимир Иванов (Бишкаин ялĕ), 2 – Ильдар Ишбулдин (Семен ялĕ), 3 – Рим Аманов (Толбазă ялĕ); хĕрарăмсем: 1 – Мунира Мавзютова (Толбазă ялĕ), 2 – Римма Усманова (Толбазă ялĕ).
Читайте нас:
© 2020-2024 Сайт издания "Аургазă хыпарçи" Администраци çырулла килĕшÿ парсан çеç сайтри информацин копине тума юрать
Телефон
834745 (2-18-45)
Электронлă почта
Адрес
453480, Аургазинский район, с.Толбазы, ул.Первомайская,10
Реклама пайĕ
834745 (2-01-67)
Редакци
834745 (2-18-45)
Кадрсен пайĕ
834745 (2-18-51)