Наци кросĕ

Старта спорта юратакан 200 ытла çын – шкулсенче, нумай профиллĕ колледжра вĕренекенсем, районти предприятисемпе организацисен работникĕсем, пенсионерсем – тухнă. Ăмăрту акатуй уйĕнче иртнĕ. Хĕрарăмсем икĕ километр, арçынсем виçĕ километр чупнă. Ăмăрту участникĕсем пурте дистанцисене ăнăçлă иртнĕ, финиша çитнĕ, çăмăл атлетикăпа туслисем çĕнтерÿçĕсем пулса тăнă, призсем илнĕ.

Ĕç коллективĕсен членĕсем çак хĕвеллĕ кун кулленхи ĕçрен каннă, спорт уявне мĕнле йĕркеленипе кăмăллă юлнă.