Аургазă хыпарçи
+9 °С
Пӗлӗтлӗ
Пур хыпар та
Общество
6 Августӑн 2020, 14:00

„Эко-сити” – çынсемшĕн тăрăшса

Регоператор пĕлтерет.

Пандеми тапхăрĕ, ниме пăхмасăр, пире пĕрлештерчĕ, вăйлăрах пул­ма, пĕр-пĕриншĕн тăрăшма вĕрентрĕ. Шăпах çавăнпа эпир потребитель­семпе тата тачăрах çыхăну йĕркелес, халăх нушисене ăнланас тата йăлари хытă каяшсемпе çыхăннă кирек епле ыйтăва татса пама пулăшас тесе пур­не те турăмăр, сирĕншĕн меллĕ пулма хирĕçле çыхăнăвăн тĕрлĕ формисене йĕркелерĕмĕр.
Пысăк хатĕрлĕх тапхăрĕнче дистанциллĕ ыйтса çырмалли май тăвасси пĕлтерĕшлĕ çул-йĕрсенчен пĕри пулса тăчĕ. Паянхи кун тĕлне ăна çакăн пек тума пулать:
- office.roecocity.ru сайтĕнчи клиент кабинечĕ урлă;
- Android операци системин никĕсĕнчи смартфонсем валли Play market магазинти çĕнĕ мобиллĕ при­ложенинче. Çывăх вăхăтра приложени App Store уçлăхĕсенче те пулса тăрĕ;
- „Хĕрÿ линийĕн” теле-фонĕсемпе куллен 8.00-20.00 сехетсен­че: 8(347)298-04-90, 8-965-939-49-00 (Билайн), 8-989-959-49-00 (МТС), 8-937-497-49-00 (Мегафон).
Анчах та çынпа çын хутшăннине нимĕн те çитмест, çавăнпа та кашни му­ниципалитетра территорири представи­тель ĕçлет. Сиртен нумайăшĕ ăна пĕлеççĕ пулĕ – вăл Масагутов Олег Мансафо­вич. Консультаци кирлĕ пулсан, офиса пыма пултаратăр. Унăн адресĕ: Толбазă ялĕ, Ленин урамĕ, 109 çурт, 2-мĕш хут. Е [email protected] электронлă адреспа e-mail ярса парăр.
Представитель йăлари хытă каяш­сем турттарса тухас сферăри кирек епле ыйту çине хурав тупма пулăшĕ, сăмахран:
- контейнер площадкисене кирлĕ пек тытса тăрассине тивĕçтересси;
- договор тăвасси тата ăна пурнăçланине тĕрĕслесси;
- пурăнмалли çурт-йĕр çук тата çĕнĕ çурт туса лартнă чухне çĕнĕ договор тунă тĕслĕхре çĕнĕрен шутласа пама ыйтса пырасси;
- санкцилемен çÿп-çап вырăнĕсем, çаплах вĕсене йĕркелекен тÿрĕ кăмăллă мар çынсене тупса палăртасси; халăх валли майлаштарса лартнă контейнер­сене хăйсен каяшĕсене вырнаçтаракан юридически лицосене тупса палăртасси;
- дебитор парăмĕпе ĕçлесси;
- йăлари хытă каяшсем пухмалли вырăнсене тата турттарса тухмалли гра­фика палăртас енĕпе потребительсемпе пĕрле ĕçлесси тата ыт.те.
Территорири представитель пекех, кашни çын ырлăхĕшĕн начар çанталăкра та, эпидеми сарăлса кайнă вăхăтра та каяшсем турттарса тухас сферăра ытти нумай çын ĕçлет: мусоровозсен водителĕсем, сортировщиксем, груз­чиксем, полигонсен работникĕсем тата регоператорăн ытти сотрудникĕсем. Миллионшар çыннăн пурнăçĕнчи каяш­семпе малалла ĕçлесе, хамăрăн сывлăха куллен теветкеллĕхе кĕртсе, эпир çынсен хăрушсăрлăхĕшĕн явап тытатпăр, тав­рари хутлăхшăн тăрăшатпăр. Эсир вара хăвăрăн çурт çумĕнчи тасалăхшăн тăрăшатăр, йăлари хытă каяшсене турт­тарса тухас енĕпе пулăшушăн вăхăтра тÿлетĕр. Темиçе кун е эрне çÿп-çап турт­тарса тухмасан мĕн пулассине куç умне кăларса тăратма хăрушă вĕт.
Читайте нас: