Аургазă хыпарçи
+18 °С
Пӗлӗтлӗ
Пур хыпар та
Общество
24 Июлӗн 2020, 11:19

Радий Хабиров: Аургазă районĕнче республикăри чи пысăк ĕне ферми тăваççĕ

Июлĕн 21-мĕшĕнче пирĕн районта Пушкăртстан Пуçлăхĕ Радий Хабиров ĕçлĕ çулçÿревре пулса курнă.

Радий Хабиров регионти чи пысăк агропредприятисенчен пĕри пулса тăракан „Урожай” компанисен ушкăнĕн инвестици проекчĕсене мĕнле пурнăçланипе паллашнă. Ишлĕ ялĕнче республикăри чи пысăк ĕне фер­ми тăваççĕ. Пушкăртстан Пуçлăхĕ çак площадкăра пулса курнă. Мегафермăра 6,5 пин пуç выльăх усрĕç. Çакă сĕтлĕ выльăх-чĕрлĕх ĕрчетес сферăри регионта реали­зацилекен чи пысăк проект. 2018 çулхи декабрьте ăна „Инвестици сехетĕнче” ырланă. Инвестицисен пĕтĕм калăпăшĕ 4,5 млрд тенкĕрен иртĕ.
Иртнĕ çулта комплексăн 1200 пуç выльăх шăнăçмалăх пĕрремĕш пайне ĕçе янă. Регион фончĕ урлă заем парса, республика проекта пулăшнă. Çывăх вăхăтри икĕ çул хушшинче кунта 5000 пуç ытла сăвакан ĕне шăнăçмалăх ĕне ви­тисем, пăру витисем, сĕт сумалли блок тата пулăшулăх çурт-йĕр туса лартĕç.
Радий Хабиров республика умне сĕт паракан выльăх ĕрчетес ĕçре Российăра пĕрремĕш пулса тăма задача лартнине палăртнă.
Республика Пуçлăхĕ çаплах Ишлĕрен инçе мар селекципе сортлă вăрлăх центрне мĕнле ту­нине кăтартнă. Инвестицисен калăпăшĕ 240 млн тенкĕ пулĕ. „Урожай” компанисен ушкăнĕн руководителĕн Радик Рафиковăн сăмахĕ тăрăх, центрта тулли цик­лпа производство тума планлаççĕ, унта вăрлăх тасатассине, калиб­рлассине, имçамлассине шута илнĕ. Ăнланмалла чĕлхепе кала­сан, ахаль вăрлăхран элита вăрлăх тума задача лартаççĕ.
Пушкăртстан Пуçлăхĕ Султан­мурат ялĕнчи 2200 пуç выльăх самăртмалли комплексра пулса курнă.
Регион руководителĕ кунта сул­танмуратсемпе те хутшăннă, вĕсем хăйсене хумхантаракан ыйтусем çинчен каланă. Ял çыннисен шывпа тивĕçтерес тĕлĕшпе проблема пур, хăшпĕр кивĕ çуртсене сÿтмелле е реконструкцилемелле, пушар ма­шини кирлĕ.
Радий Хабиров район администрацийĕн пуçлăхне Зуфар Идрисова лару-тăрăва пăхса тухма, çынсене мĕн кирлине тата вĕсене мĕнле пулăшма пулнине ăнланса илме хушнă.
Фото: https://glavarb.ru/rus/press_serv/multimedia/photo/?SECTION_ID=21224
Читайте нас: