Сăлтавĕ пур, тăрăшмалла

Республика пуçлăхĕ Радий Хабиров иртнĕ çулăн пĕтĕмлетĕвĕсене тунă чух­не çакăн пек решени йышăннă. Проектăн географийĕ те анлăланĕ. Йĕркелÿçĕсем умне участниксен шутне 2 пине çитерме задача лартнă. Кашни районта ялсен 50 процентне явăçтарма планлаççĕ. Кăçал конкурс çинчен положение улшăнусем кĕртеççĕ. Хутшăнакан ялсене тăватă ка­тегорине пайлĕç: 3 пин çынран пуçласа, 1-3 пин çын, 200–1 пин çын тата 200 çынрах сахалрах. Ял аталанăвĕн комплекслă программине çĕнтерÿçĕ пилĕк ял кĕрĕ.

Аса илтеретпĕр, пĕлтĕр „Урă ял-2019” конкурса республикăри 52 район­тан 464 ял хутшăннă, çав шутра Аургазă районĕнчи Турумбет ялĕ. Зианчура районĕнчи Башкирская Ургинка ял, унта 1010 çын пурăнать, пĕрремĕш вырăн йышăннă тата 500 пин тенкĕ калăпăшпа преми илнĕ.