Аургазă хыпарçи
+26 °С
Пӗлӗтлӗ
Пур хыпар та
Общество
12 Июлӗн 2020, 12:00

Ĕçлетĕн пулсан, Бишкаин почтальонĕсем пек!

Почтальон ĕçĕ хутшăнма юратакан, уçă кăмăллă çынсемшĕн юравлă тесе калаççĕ. Пирĕн корреспон­дент Бишкаин ялĕнчи по­чта çыхăнăвĕн уйрăмĕнче ĕçлекенсемпе хутшăннă хыççăн çакна çирĕплетсе пачĕ.

Тăватă чипер хĕрарăм Чăваш Хурамал тата Бишка­ин ял тăрăхĕсенчи 600 ытла çурта тивĕçтерсе тăраççĕ. Каш­ни виççĕмĕш çуртра пирĕн рай­он хаçатне çырăнса илеççĕ. Çакă пĕтĕмпех почта ĕçченĕсем тăрăшнипе. Туслă коллек­тив çырăнтару планне пĕрмаях ирттерсе пурнăçлать, районта тивĕçлипе „Россия Почтин” чи лайăх çыхăну уйрăмĕ пулса шут­ланать.
Уйрăм начальникĕ Вера Бори­сова кунта икĕ теçетке ытла çул ĕçлет.
- Ирина Федорова, Ольга Фе­дорова, Людмила Герасимова почтальонсем хăйсен ĕçне чун­не парса пурнăçлаççĕ. Вĕсемпе ĕçлеме çăмăл, - тет Вера Михай­ловна.
Кăçалхи çырăнтару кампанийĕнче лайăх результат­сем тума бишкаинсене коронави­рус пандемийĕ те чăрмантарман. Вĕсем ял çыннисене район хаçачĕ илсе тăма активлă çырăнтараççĕ, издани ирттерекен призсен вы­лявне хутшăнма пулăшаççĕ. Сăмахран, Людмила Герасимова харпăр изоляциленмелли вăхăтра, вулакансем ăнăçăва тĕрĕслесе пăхма пултарччăр тесе, почтăпа „АХ” редакцине 20 çырăнтару або­нементне ярса панă.
Почтальонсене яланах кĕтеççĕ. Йывăр тата çăмăл вăхăтра. Кăçалхи çуркуннехи пек. Вĕсем хăйсен сумкисене çĕнĕ хаçат-журнал кăна мар, эпир кил­те юлма, куллен кирлĕ таварсем те тултарса çула тухнă. Почта работникĕсем хушшинче вара ну­май ачаллă амăшĕсем те пур...
Хÿтлĕх маски, перчетке – ĕç кунĕн кирлĕ япалисем. Малтан, хĕрарăмсем пĕлтернĕ тăрăх, çынсем вĕсем килсе çÿрени çине асăрханса пăхнă. Кайран хăнăхнă.
- Ватă çынсемшĕн çирĕп ка­рантин пулнă пирки, вĕсен пенси­не крыльца çинче хăвараттăмăр, çурчĕсене кĕмен. Пире тавăрса панă укçана та крыльца çинче хăваратчĕç, - каласа парать Ири­на Федорова.
Хальхи почта мĕнлерех вăл? Пĕр иккĕленÿсĕр, çак учреждени тахçанах ĕнтĕ посылкăсем па­ракан тата яракан, коммуналлă пулăшусемшĕн тÿлевсем йышăнакан пункт кăна мар. Унта паракан пулăшусен шучĕ пĕрмаях ÿссе пырать. Халĕ кунта счет уçма, банк карттин формальноçĕсене тума, кредит илме тата нумай ыттине тума пулать. Çавăнпа та „Россия Почти” сотрудниксемшĕн – ĕç вырăнĕ кăна мар, вĕренÿпе аталану вырăнĕ те.
Читайте нас: