Пушкăртстанра çырла сезонĕ пуçланчĕ

Çырла кăçал вăхăтра пиçсе çитĕнет. Утеймуллари питомникра ăна лайăх пăхаççĕ: вăхăтра çумлаççĕ, купалаççĕ, шăвараççĕ. Пĕртăван Ибрагимовсем 94-мĕш çултанпа сад çырли ÿстереççĕ. Çемье бизнесне вĕсен ашшĕ пуçланă, халĕ ĕçсене аслă ывăлĕ Ильшат ертсе пырать. Пĕтĕм çемйипе ĕçлеççĕ.

Питомникра сад çырлин „Елизавета” ятлă сортне ÿстереççĕ. Çулленех сад çырли ăнса пулать. Пурĕ вăл 5 гектар лаптăк йышăнать.

Аургазă çырлине магазинсене турттармаççĕ. Кăмăл тăвакансем пурте ăна хăйсем килсе пухаççĕ. Çырлана пухакансем килограмĕшĕн 230 тенкĕпе илсе каяççĕ. Сад çырлин сезонĕ июль варриччен пырĕ.

Тĕплĕнрех: https://gtrk.tv/novosti/181944-mestnaya-yagoda-vytesnyaet-privoznuyu-pitomnikah-respubliki-nachalsya-sezon-klubniki