Эпир – пĕрле!

Коронавирус эпидемине сарăлмасса йĕркеленĕ харпăр изоляциленмелли условисенче укçа-тенкĕ тата пурлăх енĕпе йывăр лару-тăрăва лекнĕ çынсемшĕн Аургазă районĕн çыннисем хула волонтерĕсем патне гуманитарлă пулăшу ăсатнă. Çĕнĕ Федоровка, Чăваш Хурамал, Шланлă, Треппел, Меселпуç, Манъел ялĕсенче пурăнакансем ялти тĕрлĕ апат-çимĕçе пухнă.

- Чăвашсем яланах ырă кăмăллă, пĕр-пĕрне ялан пулăшма хатĕр ҫынсем! Паянхи йывăр кунсенче те эпир хамăрăн тивĕҫе пурнăҫлатпăр! Пултарнă таран йывăрлăха лекнĕ ҫынсене пăрахмастпăр! Сывă пулар пурте, юратса, савăнса пурăнар ҫĕр ҫинче! - пĕлтерет волонтерсенчен пĕри Людмила Маркина.