Республикăра çулĕ çитмен ачасене кальян тата снюс сутнăшăн штраф виçĕ пинрен пуçласа 250 пин таран пулĕ. Административлă правăна пăсни çинчен регионти кодекса тивĕçлĕ тÿрлетÿсем кĕртнĕ.
Граждансемшĕн штраф 3-4 пин пулĕ, должноçри çынсемшĕн – 30-40, юридически лицосемшĕн – 150-200 пин.
Енчен те закона тепĕр хут пăссан, граждансен 4-5 пин тенкĕ тÿлемелле пулĕ, должноçри çынсен – 40-50, юридически лицосен – 200-250 пин.
Астутаратпăр, республикăра 2020 çулхи январĕн 30-мĕшĕнчен çулĕ çитмен ачасене снюс сутма чарнă.