Бассейнсем тăвас ĕç малалла пырĕ

Пушкăртстан Пуçлăхĕ типлă проектсемпе, унта бассейн кăна мар, спортзал, хăшпĕр тĕслĕхре витнĕ каток та пулĕ, усăланассине палăртса каланă.

- Республикăра 210 бассейн пур, анчах та çакă çителĕксĕр. Республика тăрăх ĕçлĕ çулçÿревре пулнă чухне час-часах çынсем шывра ишме пĕлменни çинчен илтме тÿр килет, мĕншĕн тесен вĕренмелли вырăн çук. 21-мĕш ĕмĕрте эпир хамăра цивилизацин çакăн пек ырлăхĕпе тивĕçтерме пултарайманни тĕлĕнмелле. Лару-тăрăва лайăхлатăпăр, - палăртнă Радий Хабиров.