„Ярослава” центр ача-пăча уявне йыхравлать

Сентябрĕн 2-мĕшĕнче „Çемьене тата ачасене пулăшакан „Ярослава” центр” коммерциллĕ мар автономлă организаци район администрацийĕ пулăшнипе ял çыннисене пурне те центра уçнине пĕр çул çитнине халалланă ача-пăча уявне йыхравлать.

Уяв Культура керменĕ умĕнчи площадьре, сентябрĕн 1-мĕшне халалланă савăнăçлă линейка хыççăнах иртет.

Программăра: супăнь кăпăкĕн шоувĕ, ача-пăча аниматорĕсем, аквагрим, мĕнпур ÿсĕм валли мастер-классем, фотозона. Ача-пăча валли шоколад фонтанĕпе, пылак апатсемпе, пылак ватăпа, попкорнпа тата мороженăйпа тÿлевсĕр фуд-зона (апатланмалли зона) йĕркелĕç. 12.00 сехетре пуçланать.