„Золото тюрков” форум

Пĕтĕм Российăри тĕрĕк çамрăкĕсен „Золото тюрков” форумĕ – питĕ пысăк вĕрентÿ площадки. Ăна пĕтĕм Российăри гражданла пĕрлĕх йĕркелени тата Россия халăхĕсен культурисем пĕр-пĕрне пуянлатни çине тĕренсе çамрăксем хушшинчи наци хутшăнăвĕсене килĕшÿллĕ тăвас тĕллевпе ирттереççĕ.

Кăçал форума Российăн 14 регионĕнчен çамрăксен 160 ытла представителĕ хутшăннă. Пушкăртстан Республикине наукăра, искусствăра, спортра тата ытти отрасльсенче пысăк çитĕнÿсем тунă 38 çын тăратнă.

Форум программинче – М.В. Ломоносов ячĕллĕ МГУ государство управленийĕн факультечĕпе пĕрле ĕçлесе хатĕрленĕ тухăçлă вĕрентÿ сессийĕсем, экспертсен пĕрлешĕвĕпе, власть, культура, бизнес представителĕсемпе тĕлпулусем, тренингсем тата проект сессийĕсем, тĕрĕк халăхĕсен историпе культура еткерлĕхне тĕпчес, сыхласа хăварас енĕпе чи лайăх ĕçсемпе паллашасси тата вĕсене тĕпчесси.

Аса илтеретпĕр, Уфара тĕрĕк çамрăкĕсен Пĕтĕм Российăри форумĕ 2016 çулта иртнĕ, çавăн çинчен асăнмалăх Ленин урамĕнчи çуртсенчен пĕрин çинче яланах ешĕл, варрине „Золото тюрков” эмблема вырнаçтарнă граффити тăрса юлнă.