Чи лайăххисен шутĕнче

Пушкăртстанăн аслă вĕренÿ заведенийĕсем пурте çĕршывăн чи лайăх 200 аслă шкулĕн рейтингне лекнĕ. Çавăн çинчен республика правительствинче кашни эрнере иртекен оперативлă канашлура вице-премьерăн тивĕçĕсене пурнăçлаканĕ Ленара Иванова каласа панă.

Чиновникăн сăмахĕпе, Уфари нефть техника университечĕ техникăлла аслă шкулсен рейтингĕнче пиллĕкмĕш йĕркене, авиаци аслă шкулĕ 35-мĕшне йышăннă. Аграри университечĕ ялхуçалăх аслă шкулĕсем хушшинче тăваттăмĕш пулнă.

Педагогика университечĕсем хушшинче Пушкăрт государство педагогика университечĕ - 12-мĕш вырăнта. Медицина университечĕ медицина аслă шкулĕсем хушшинче 11-мĕш пулнă. Пушкăрт государство университечĕ классикăлла аслă шкулсем хушшинче 17-мĕш йĕрке йышăннă.

С.БЕЛЯЕВ.