Ялти учительсене – грантсем

Пушкăртстанра ялта ĕçлекен учительсем 600 пин тенкĕ чухлĕ грант илĕç.

Республикăра çамрăк учительсен çителĕксĕрлĕхĕ çивĕч ыйту пулса тăрать. Ялти шкул системинчи 35 çултан çамрăкрах сотрудниксен пайĕ пурĕ 8% кăна. Республикăри учительсен вăтам ÿсĕмĕ - 52 çул.

Указпа килĕшÿллĕн, ялан Пушкăртстанра пурăнакан тата халăх йышĕ 10000 ытла мар ялти шкулта сахалтан та 2 çул ĕçленĕ 35 çултан кĕçĕнрех учительсем грант илме пултараççĕ. Претендентсене ятарлă комисси суйласа илĕ.

Енчен те грант илнĕ хыççăн учитель ĕçне пăрахма е хулана куçма шутласан, унăн укçана каялла тавăрса памалла пулать.