Аургазă хыпарçи
+18 °С
Уҫҫӑнах
Пур хыпар та
Общество
16 Апрелӗн 2019, 12:22

Амăшлăх талантсем уçса парать

„Башкортостан” телерадиокомпани Çемье, ĕç тата халăха социаллă хÿтĕлев паракан министерствăпа пĕрле пĕтĕм республикăри ÿкерме юратакан хĕрарăмсем валли сайра йышши выставка ирттерет.

Амăшлăх – вăл кашни хĕрарăмăн пурнăçĕнчи чи телейлĕ тата творчествăллă тапхăрĕсенчен пĕри.
Выставкăна хутшăнма пĕтĕм республикăри ÿкерме юратакан, ача çуратнă хыççăн хăйсен пурнăçĕ улшăннине туякан, çĕнĕ кăмăл-туйăмсене вара живопиçре сăнарласа паракан амăшĕсене чĕнеççĕ.
Выставкăна пуçласа яраканĕ регион руководителĕн арăмĕ Каринэ Хабирова пулса тăнă. Вăл хăй ача çуратнă хыççăн живопиçпе интересленсе кайнă, пĕр шухăшлă нумай çын тупнă.
„Нумай амăшĕ ача кĕтнĕ вăхăтра е çуратнă хыççăн чăнах та ÿкерме пуçлани маншăн калама çук кăмăллă япала пулса тăчĕ. Пушкăртстан Республики пултаруллă çынсемпе пуян! Хам пулса курнă кашни районта эпĕ профессионал художниксемпе те, ÿкерме юратакансемпе те паллашрăм, çавăнпа та çакăн пек хĕрарăмсене пулăшас шухăш çуралчĕ”, - тет вăл.
„Амăшлăх талантсем уçса парать” выставка ятарлă пĕлÿ илмен хĕрарăмсен художествăллă пултарулăхне реализацилеме, çаплах çĕнĕ талантсем тупса палăртма май парать. Картинăна акварельпе, гуашьпе, пастельпе, ăвăс пурăпа, тĕслĕ е ахаль кăранташпа тума пулать. Картина мĕн пысăкăш пулни тата унăн тематики пĕлтерĕшлĕ мар.
Выставкăна хутшăнас тесен семьярб.рф сайта кĕрĕр, правилăсемпе паллашăр, анкета çырса тултарăр та электронлă çыру çумне хăвăрăн ĕçĕрсен фотоÿкерчĕкĕсене çирĕплетĕр. Çакна мĕнпурне [email protected] почтăпа ярса памалла е даннăйсене пурне те хăвăр пурăнакан вырăнти „Çемье” центра кайса памалла. Заявкăсене апрелĕн 25-мĕшĕччен йышăнаççĕ.
С. БЕЛЯЕВ.
Читайте нас: