Алена Силпи

Юратнă тăвансем, тус-тантăшсем, ентешсем, кÿршĕсем, савнă та тăван ЧĂВАШ ЕН 100 çул тултарнă ятпа сире пурне те! Çак сумлă та чаплă уявпа саламласа эпир, Альбина ЮРАТУ сăвăç, Александр ПАВЛОВ кĕвĕ ăсти, Виктор ДМИТРИЕВ сасă хуракан, Алена СИЛПИ юрăç, сире ятарласа чун-чĕререн шăранса тухакан туйăмсене "Эпир - чăвашсем" юрра хывса парнелес терĕмĕр... Нихçан та сăваплă та таса пĕр чăнлăха манас марччĕ... "Эпир - чăвашсем, эпир - патварсем, эпир - хастарсем, эпир - ăстасем, эпир - çунатлă халăх, эпир - хĕвеллĕ халăх, эпир - телейлĕ халăх, эпир - мăнаçлă халăх"... Пĕр-пĕрне пулăшса пырар, малалла утма çулсем уçар, пĕр-пĕрне хавхалантарар, такăнсан та тăма пулăшар, чун-чĕре илемĕпе пайлашар, ятарласа ура хурса такăнтарар мар, кĕвĕçер мар, усал сунар мар... Пĕр сăмахпа, МĔСКĔН пулар мар... Çак чăнлăха ăнлансан тин хамăра хамăр тата пĕтĕм тĕнчене "Эпир - мăнаçлă халăх" тесе пĕр хăрамасăр калама пултаратпăр...