„Шăпчăк сасси-2020” конкурс иртнĕ

Республикăри Бижбуляк районĕнче иртнĕ чăваш эстрада юррисен çамрăк юрăçисен „Шăпчăк сасси-2020” конкурсне Ермекей, Белебей, Давлекан, Шаран, Мияки, Федоровка, Ишимбай, Кăрмăскалă, Бижбуляк районĕсенчен тата Стерлитамак хулинчен 14 çултан пуçласа 35 çулччен пурĕ 28 юрăç хутшăннă. Çаплах кунта Тутар тата Чăваш республикисенчен те килекенсем пулнă.

Конкурс итогĕсем тăрăх Гран-прине Бижбуляк районĕнчен Анастасия Иванована çĕнсе илнĕ. Стерлитамак хулинчен Ляйсан Федорова, Чăваш республикинчен Игорь Иванов, Стерлитамакран Ильдар Рахимгулов, Бижбуляк районĕнчен Диана Илларионова, Тутар республикинчен Мария Черникова тата Бижбуляк районĕнчен Вячеслав Григорьев „Шăпчăк сасси-2020” вокал конкурсĕн финалисчĕсем пулса тăнă. Участниксем пурте асăнмалăх парнесем тата ятарлă призсем илнĕ.

Тĕплĕнрех çакăнта вуласа пĕлĕр: https://aur-vesti.rbsmi.ru/articles/kultura/V-Bashkirii-proshel-konkurs-estradnoy-pesni-Sh-pch-k-sassi-2020-145735/