„Радость” кăтартуллă хореографи ансамбльне саламлатпăр!

Аургазăри „Радость” кăтартуллă хореографи ансамблĕ республикăри чи лайăх ташă коллективĕсемпе пĕрле Уфари „Башкортостан” государство концерт залĕнче Гала-концерта хутшăннă.

Ачасен халăх хореографийĕн фестивалĕнче суйласа илекен тур иртмелле тата ташă кăтартмалла пулнă. „Радость” тĕрĕслевсене ăнăçлă иртсе Гала-концертра лауреат дипломне, çаплах ПР Госпухăвĕн-Курултайĕн депутачĕн Амир Ишемгуловăн ятарлă призне илнĕ.

Фестивале Пушкăртстан Республики пулса кайнине 100 çул çитнине халалласа ирттернĕ. Унăн йĕркелÿçи Пушкăртстан Республикин Культура министерстви пулса тăнă.

Д. ДАНИЛОВ.