Пур хыпар та
Хăрушсăрлăх
16 Декабрӗн 2020, 17:45

Пиротехникăпа асăрхануллă пулăр

Надзор тата профилактика ĕçĕн районсем хушшинчи Аургазăри пайĕ пиротехника изделийĕсем обязательнăй сертификаци ир­тме тивĕçли çинчен аса илте­рет.

Надзор тата профилактика ĕçĕн районсем хушшинчи Аургазăри пайĕ пиротехника изделийĕсем обязательнăй сертификаци ир­тме тивĕçли çинчен аса илте­рет, вĕсем çинче усă курмалли инструкци, туса кăлараканăн (Российăри предприятисемшĕн) е курттăм сутаканăн (импорт фейерверксемшĕн) адресĕ тата телефонĕ пулмалла. Çавă издели­сен пахалăхне тата хăрушсăрлăхне гарантилет.
Фейерверкпа усă курнă чухне тĕп хăрушсăрлăх правили: ăна усăланиччен те, кайран та сÿтме юрамасть. Хăйсен уявне петардăсемпе тата салют­семпе илемлетме планлакансем çак правилăсене пĕлме тивĕçлĕ:
- пиротехника изделийĕсене легальлĕ суту-илÿ вырăнĕсенче çеç ту­янма юрать;
- фейерверксене тата салютсене ăшăтмалли приборсенчен аякра, типĕ тата ăшă вырăнта – унсăрăн температу­ра ăрасналăхĕпе издели нÿрелме пулта­рать - упрамалла. Нÿрелнĕ фейерверк­сене типĕтме татăклăн чарнă;
- тăтăш тата авăк çил чухне пиро­техника изделийĕ яма чарнă. Площад­ка çийĕн йывăçсем, электропередача линийĕсем тата ытти чăрмавсем пул­малла мар.
Пиротехника йĕпеннĕ пулсан, ăнăçлă тата хăрушлăхсăр вĕçтерсе ярассин гарантийĕ çук. Унтан та ыт­ларах, пиротехникăн хăшпĕр тĕсĕсем йĕпеннĕ хыççăн хăрушă пулса тăраççĕ: нÿрелнĕ ракетница хăйĕн вертикаллĕ траекторийĕнчен пăрăнма, са­лют зарячĕсем вара кирлĕ çÿллĕше хăпармасса тата çынсенчен хăрушă çывăх хушăра сирпĕнме пултараççĕ.
Çаплах ансат хăрушсăрлăх правили­сене те манса ан кайăр: аслисемсĕр чух­не ачасене пиротехника изделийĕсемпе усăланма ан парăр; пиротехникăпа юнашар ан туртăр, кăвайт ан чĕртĕр; ăна пÿлĕмре тата алă çинчен сирпĕтсе ан ярăр (бенгали çутисем, торт валли çуртасем, шартлак (хлопушка) вĕсен шутне кĕмеççĕ); салют çулне нимĕн те чăрмантарманнине пĕлсе çитĕр; ĕçлекен пиротехника изделийĕ патне çывăха ан пырăр; хăйăвĕ сÿннĕ тĕслĕхре ăна тепĕр хут ан чĕртĕр.
Хăю сÿннĕ е çунса пĕтнĕ, изде­ли вара ĕçлеме пуçламан тĕслĕхре вăл ĕçлеменнине ĕненсе çитме тата 10 минут кĕтмелле. Пиротехника из­делине шыва 24 сехетрен кем срока вырнаçтарса тĕп тумалла. Çавăн хыççăн çеç ăна йăлари çÿп-çаппа пĕрле кăларса пăрахма юрать.
Хисеплĕ ашшĕ-амăшĕсем, пушар хăрушсăрлăхĕн çак ансат правилисе­не пурнăçлăр тата хĕллехи каникул вăхăтĕнче ачасен поведенине çирĕп контроллесе тăрăр! Пушар тухас пулсан 01, 2-11-48, 112 (сот.) телефонсемпе шăнкăравлăр.
Р. КАРИМОВ,
надзор тата профилактика ĕçĕн районсем хушшинчи Аургазăри пайĕн начальникĕ.
Читайте нас в