Аургазă хыпарçи
+12 °С
Уҫҫӑнах
Пур хыпар та
Хăрушсăрлăх
16 Июнӗн 2020, 15:10

Тирек мамăкĕ. Шăрăх. Пушар!

Çу çитсен тирек мамăкĕ пит вăйлă вĕçме тытăнать, çавăн пирки пушар лару-тăрăвĕ çивĕчленет.

Тирек мамăкĕ – аллерги­пе чирлекенсемшĕн çеç мар, пожарнăйсемшĕн те хăйне евĕрлĕ çутçанталăк инкекĕ. Вăл вара хăвăрт хыпса илет, тар пек самантрах, пур ен­нелле те çунма тытăнать, хăйĕн хыççăн хура йĕр хăварать. Тата пушарсен хисепĕ ÿсет.
Урамсем тата картишсем тирек мамăкĕпе витĕнеççĕ. Вăл хăвăрт хып­са илекен çутçанталăк материалĕ, ки­рек епле хĕлхемрен те çунма пуçлать. Килкартишсенче, хуралтăсем умĕнче, автотранспорт тăратмалли вырăнсенче пуçтарăнать, вăйлă çил чухне лоджисен­чи тата балконсенчи тĕрлĕрен çурăксене кĕрсе тулать. Сÿнтермен пирус-сигарет тĕпĕ е шăрпăк, вутпа усăланса ĕç туни е ача-пăча ашкăнни тивсе илесси патне хăвăрт çитерме пултараççĕ.
Тирек мамăкĕ пушар сăлтавĕ ан пултăр тесен, сварка тата вутпа усăланса ирттерекен ытти ĕçсене тĕплĕн хатĕрленĕр, пиротехника изделийĕсем тата хут хунарсем вĕçтерсе янă чухне питĕ асăрхануллă пулăр.
Коммуналлă службăн тата тивĕçтерсе тăракан организацисен килкартишсене, тротуарсене, тирек мамăкĕ пухăнакан ытти вырăнсене тасатмалла, тирпейле­мелле тата шыв пĕрĕхтермелле. Уйрăм секторта пурăнакансем те çурт çумĕнчи территорисене тасатмалла.
Васкавлă службăсен телефон номерĕсене асра тытăр: 01, 101 е 112.
Читайте нас: