Хисеплĕ вăрçă тата ĕç ветеранĕсем, аслă ăру çыннисем!

Ветерансен район совечĕн президиумĕ сире Ватă çынсен пĕтĕм тĕнчери кунĕ ячĕпе саламлать.

Эсир, хисеплĕ ветерансем, район аталанăвне тата тăван ен ырлăх-пурлăхне пысăк тÿпе хывнă. Тивĕçлĕ ка­нура пулса, районăн обществăлла-политика пурнăçне, çамрăксене патриотизм тата гражданла воспитани па­рассине активлă хутшăнатăр.

Кĕрхи çак кунсем вăрах кĕтнĕ тĕлпулусен ăшшипе, телейлĕ йăл кулăсемпе, савăнăçлă ыталанисемпе тулли пулччăр!

Сире, хисеплĕ ветерансем, ырă сывлăх, чун ăшши, телей тата ырлăх-пурлăх, хастар кăмăл, тăванăрсемпе çывăх çыннăрсем хисепленине тата сирĕншĕн тăрăшнине сунатпăр!