Мĕнле канатпăр?

Ĕç министерствинче кĕске ĕç эрни çинчен аса илтернĕ. Уяв кунĕсем июнĕн 12, 13 тата 14-мĕшĕсене тÿр килеççĕ. Вĕсем государство уявĕпе – Россия кунĕпе - çыхăннă, ăна кашни çул июнĕн 12-мĕшĕнче паллă тăваççĕ. Июнĕн 11-мĕшĕнчи ĕç кунĕ пĕр сехете кĕскелет. Çĕршыв президенчĕ Вла­димир Путин иккĕмĕш официаллă канмалли кун да­тине нумай пулмасть пĕлтернĕ. Аслă Отечественнăй вăрçăра çĕнтернĕренпе 75 çул пулнине çĕршыв июнĕн 24-мĕшĕнче паллă тăвĕ. Çавăнпа ăна, ĕç укçине сыхла­са хăварса, ĕçлемелли мар кун тесе пĕлтернĕ.