+14 °С
Дождь
Литература кĕтесĕ
22 Сентября 2020, 14:40
Кĕркунне
Вячеслав Круглов.
Сап-сарă тумлă кĕркунне
Сапать пĕр вĕçĕм кĕмĕлне.
Тавралăх çулçă эрешпе,
Йăлтăртатать сар шевлепе.
Хĕвел йăвашшăн хĕмленет,
Вучаххинче, тен, вутă пĕтнĕ?
Е ăшшине вăл хĕрхенет?
Çак хурава камах-ха пĕлтĕр?
Салхулланать кĕрхи тĕнче,
Вăл ылтăн пек йăлтăртатсан та
Тупатăп тунсăх сăнĕнче,
Кăвак инçетлĕх йыхăрсан та.
Кăллин-каллин! Хур кайăксем,
Ман тунсăха вут пек чĕртетĕр.
Çапах ĕлккен кĕрхи кунсем,
Ыр сăнлăх чĕрене кĕртетĕр.
