Кӗркунне ҫывхарать

Василий Шихранов.

Пĕркенет ылтăн тутăр шур хурăн,

Çулçине хĕретет вĕрене.

Куç тулли,ытарми савнă вырӑн

Илĕртет,йăпатать чĕрене.

Хупăрлать таврана пин-пин сăрă,

Тÿпене тĕpĕлеç кайăксем.

Уçă çил вăркăшать улăх тăрăх,

Шанайман-ха пачах чечексем.

Сар хĕвел вăтанса çeç пăхсан та

Ун çути шартарать куçăма.

Час-часах пĕлĕтпе хуплансан та

Пурпĕрех ăшăтать чунăма.

Çимĕçне йăтайми улмуççийĕ

Йыхăрать тутанма улмине.

Тин кăларнă шултра çĕрулмийĕ

Илĕртет хĕресчен чĕрине.

Уй-хирсен тĕсĕсем улшăнаççĕ

Пынă май тыр-пулсем пухăнса.

Çуллапа кĕркунне тĕлпулаççĕ

Çут тĕнче йăлине пăхăнса.

Кĕркунне çулсерен килейсен те

Тин анчах курнă пек туйăнать.

Çак самант питĕ хăвăрт иртсен те

Пурпĕрех чĕрене ачашлать!

Читайте нас:

Телефон

834745 (2-18-45)

Электронлă почта

[email protected]

Адрес

453480, Аургазинский район, с.Толбазы, ул.Первомайская,10

Реклама пайĕ

834745 (2-01-67)

Редакци

834745 (2-18-45)

Кадрсен пайĕ

834745 (2-18-51)