Аургазă хыпарçи
+18 °С
Уҫҫӑнах
Пур хыпар та
Литература кĕтесĕ
8 Июлӗн 2020, 14:30

«Саркайăк мар-ши терĕм эп сана...» (сăвă)

Юхма Мишши.

Саркайăк мар-ши терĕм эп сана
Сассу ытарайми янравлă пулнипе
Çут уйăх мар-ши терĕм эп сана
Сăну ытла та çутă пулнипе.
Çут çăлтăр мар-ши терĕм эп сана
Куçу ытла та ялкăш пулнипе.
Çӳл тӳпери хĕвел пуль терĕм эп сана
Куллу ытла та ăшă пулнипе.
Уйри чечек пуль терĕм эп сана
Чунри туйăмсене пытараймасăр.
Савни тесе каларăм эп сана
Чĕрем мĕн хушнине халь чараймасăр.
Читайте нас: