Çулла

Çулла, ытла та эс хитре-илемлĕ,
Мĕн чухлĕ савăнăç илсе килен.
Çуллахи сывлăм та ытла техемлĕ,
Эс сиплĕх пиллемешкĕн пит пĕлен.
Улăхсенче çава сасси — чăн юрă,
Çурла та кăчăр-кăчăр сас парать.
Эй, тусăм, кил-ха, çак илеме курăн,
Çулла терт-хуйхă этемрен тарать.
Хĕвел, ав, кӳлĕре шыва кĕресшĕн,
Ăш çил вылять ун çутă сăнĕпе.
Этем терт-хуйхине йăлт пĕтересчĕ,
Усă курса çак çу хăтлăхĕпе.