Апрель пуçламăшĕнче „Радость” кăтартуллă хореографи коллективĕн воспитанникĕсем Мускавра иртнĕ пĕтĕм тĕнчери „Grand festival” искусство конкурсне хутшăннă. Тĕп хулан сцени çинче Альбина Залилован воспитанникĕсем пушкăрт, вырăс тата тутар ташшисем ташланă. Çамрăк ташăçăсен репертуарĕ жюрин кăмăлне кайнă. Российăри тата кÿршĕллĕ çĕршывсенчен килнĕ 90 коллектив хушшинче аургазăсем виçĕ диплом илсе, III степень лауреачĕсем пулса тăнă.