Çутçанталăк пирĕн çирĕплĕхе тĕрĕслет

Кăçал унта та кунта çил-тăвăл ял çыннисен лăпкăлăхне татать. Меселпуçĕнче темиçе çул каярах çил-тăвăл иртнине пурте астăваççĕ пулĕ. Анчах çутçанталăк пире тĕрĕслеме чарăнмасть.

Ĕнер, июнĕн 24-мĕшĕнче, унта черетлĕ хут çил-тăвăл, вăйлă çумăр алхаснă. Çуртсен, хуралтăсен тăррисем, машинăсем сиенленнĕ, йывăçсем хуçăлса аннă, çутă пралукĕсем татăлнă. Шултра пăр çунă. Телее, çынсем пурте сывах.

Халĕ кÿнĕ сиене хакласси пырать.