Çамрăк тата çитĕнÿсем тăвакан çемье

Вĕсем çамрăк тата илемлĕ. Вăтăр çул та тултарман. Вĕсен икĕ хĕрĕ пур: пилĕк çулхи Камила тата тăватă çулхи Эльвина. Пĕрле вĕсем телейлĕ. Çавăнпа та республика сцени çинче те вĕсене çăмăл пулнă. Кунта та, пурнăçри пекех, пĕр-пĕрне ăнланни, пулăшни тата позитивлă кăмăл-туйăм кирлĕ.

Конкурс çемье квесчĕн формачĕпе иртнĕ. Финалистсем - çичĕ çемье - тĕрлĕрен тĕрĕслевсем иртнĕ. Номерсене малтанах хатĕрлеме кирлĕ пулман.

Кадрмаевсем икĕ номинацинче: «Чи хăюллă çемье» тата «Пушкăртстан Республикин чи ăс-хакăллă çамрăк çемьи» - наградăсене тивĕçнĕ.

Фаиль Фаритович «Газпромра» мастер пулса ĕçлет, Лилия Хамитовна - ача садĕнче воспитатель.Вĕсем активлă пурнăçа юратаççĕ. Ялта уявсем вĕсемсĕр иртмеççĕ. Арăмĕпе упăшки дуэтпа юрлаççĕ, хĕрачасем ташлама юратаççĕ. Çĕнĕ çуртра пурăнаççĕ, ăна хуçасем «Çурт комплекчĕ» пурăнмалли çурт-йĕр программипе усăланса туса лартнă.

Çамрăк амăшĕ пĕрремĕш хут хутшăннă республика конкурсĕ вĕсене çĕнĕ çитĕнÿсем тума хавхалантарни çинчен пĕлтернĕ.