Пилĕк тонна çÿп-çап турттарса тухнă!

Толбазă ялĕнче виçĕ кÿлĕ çыранĕсене тасатас енĕпе экологи субботникĕ иртнĕ.

Район центрĕнче пурăнакан 100 ытла сÿрĕк мар çын хăйсен канмалли кунĕнче çак ырă ĕçе тухнă. Пĕрремĕш, Иккĕмĕш, Виççĕмĕш кÿлĕсем йĕри-тавра çÿп-çап нумай пухăннă. ПУЖКХ уйăрса панă техника икĕ рейс тунă.

Толбазă ялĕнчи лицейĕн Евдокия Орлова ертсе пыракан волонтерĕсем виçĕ килограмм пластмасса бутылка хупкăчĕ пуçтарнă.

- Полигона пилĕк тонна мусор турттарса тухнă, - пĕлтерчĕç ПУЖКХра.